Бразилияда мамлакат президенти Мишел Темер томонидан таклиф этилган пенсия тизими ва меҳнат қонунчилиги ислоҳотларини бекор қилиш талаб этилаётган умуммиллий иш ташлаш бошланди. Бу ҳақда «ТАСС» хабар бермоқда.
Акцияда транспорт, нефтни қайта ишлаш саноати, мактаб ва банк ишчи-ходимлари иштирок этмоқда. Иш ташлаш доирасида касаба уюшмалари ва жамоатчилик ҳаракатлари Бразилиянинг 26 штатидан 24 тасида ва пойтахтда ҳукуматга қарши намойишлар ўтказмоқда.
Бразилия парламентининг қуйи палатаси 27 апрель, пайшанба куни меҳнат қонунчилиги ислоҳотлари лойиҳасини маъқуллади. Ҳужжатда, жумладан, касаба уюшмалари таъминоти учун мажбурий солиқни бекор қилиш, тушлик учун танаффусни бир соатдан ярим соатга қисқартириш, 13-маошни бир йўла эмас, қисмларга бўлиб тўлашга рухсат бериш кўзда тутилган.
Шунингдек, парламент пенсияга чиқиш ёшини эркаклар учун 65, аёллар учун эса 62 ёш этиб белгилаш бўйича ташаббусни ҳам кўриб чиқмоқда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)