GM Uzbekistan янги авлод Malibu моделини ишлаб чиқара бошлайди

GM Uzbekistan компанияси бутунлай янгиланган Chevrolet Malibu бизнесс-класс седанини ишлаб чиқара бошлайди. Бу ҳақда, компания матбуот хизматига асосланиб, «Газета.uz» хабар бермоқда.

SKD технологияси бўйича автомобиль йиғиш GM Uzbekistan’нинг Тошкентдаги филиалида амалга оширилади.

Ўзбекистон бозорида машина тўрт рангда чиқарилади: марваридли оқ, тутунли оқ, тўқ кулранг ва қора.

Компания вакилларининг билдиришича, автомобилни етказиш муддати уч ойдан ошмайди. Бу модель йирик узелли йиғиш методи билан ишлаб чиқарилиши ҳамда олдиндан буюртма қилиниши билан тушунтирилади.

Автомобилнинг нархи 210 миллион сўмни ташкил этади (халқаро пластик картага ҳисобланса, 110,852 миллион сўм).