Якка тартибдаги тадбиркорлар ўзларининг пластик карталаридан нафақат ишлаб чиқариш эҳтиёжлари учун, балки ҳар қандай товар ва хизматлар учун тўлов амалга ошириш ҳуқуқига эга бўлди. Бу ҳақда «Газета.uz» хабар бермоқда.
Марказий банк «Якка тартибдаги тадбиркорлар томонидан миллий валютадаги банк карталаридан фойдаланиши тартиби тўғрисида»ги низомга тегишли ўзгартишларни киритди.
«Эндиликда томонлар, яъни сотувчи ва банк картаси эгаси ўртасида тегишли шартнома тузиш шарт эмас», — дейилади Марказий банк хабарида.
Бундай тўловлар амалга оширилганида ҳисобот ҳужжати сифатида квитансия ва ҳисобларнинг оригиналлари, уларга илова қилинган, банкомат, инфокиоск ҳамда терминал квитансиялари кўрилади. Терминалдан тўлов амалга оширилганида тўловни қабул қилган ишчи квитансияни имзолаши ҳамда «тўланган» муҳрини босиб бериши талаб этилади.
Шунингдек, эндиликда якка тартибдаги тадбиркорлар ўз карталарини фойдаланиш учун бошқаларга бериш ҳуқуқига эга.
Илгари улар пластик карталаридан фақат ишлаб чиқариш эҳтиёжлари йўлида фойдаланиши мумкин эди.
Изоҳ (0)