Тошкентда бўлиб турган Қозоғистон маданият ва спорт вазири Aристанбек Муҳамедиули Ўзбекистон туризмни ривожлантириш давлат қўмитаси раиси Анвар Шаропов билан учрашди. Бу ҳақда вазирлик матбуот хизматига таяниб, Kazakhstan Today хабар бермоқда.
Aристанбек Муҳамедиули учрашув давомида сайёҳлар оқимини янада кўпайтириш учун Қозоғистон ва Ўзбекистон чегарасида 2 та янги ўтказиш пункти очилиши, мавжуд 3 таси эса кун-тун иш тартибига ўтишини маълум қилди.
Икки давлат ўртасида темир йўл ва автобус қатновининг очилиши икки томондан ҳам сайёҳлар оқимининг кўпайишига туртки бериши билдирилди. Жумладан, Олмаота—Тошкент ва Тошкент — Олмаота йўловчи тезюрар поездлари қатнови йўлга қўйилди. Қўшимча Остона — Тошкент рейслари жорий этилди, энди улар ҳафтасига 6 маротаба амалга оширилади.
Охирги йилларда Ўзбекистона келаётган қозоғистонликлар сони ортиб бормоқда. Улар асосан Тошкент, Самарқанд, Бухоро ва Хива шаҳарларига ташриф буюрмоқда.
Ўз навбатида, Остонада «ЭКСПО 2017» махсус кўргазмаси ўтказилиши ўзбек сайёҳларининг Қозоғистонга қизиқишини ошириши кутилмоқда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)