Россия фрегати Сурияга бориш учун Ўртаер денгизига йўл олди

Россия Қора денгиз флотининг «Адмирал Григорович» фрегати Қора денгиздан Сурия томон йўл олди. Бу ҳақда «Коммерсантъ» хабар бермоқда.

«‘Калибр’ қанотли ракеталари билан қуролланган ‘Адмирал Григорович’ фрегати Босфор бўғози орқали Сурияга йўл олди», — дея хабар бермоқда турк бўғозлари орқали ҳарбий кемалар ўтишини ўрганувчи Боспҳорус Observer сайти.

https://twitter.com/YorukIsik/status/850234184752799745

Эслатиб ўтамиз, мазкур кема ўтган йил ноябрида ИШИД ва «Жибҳат ан-Нусра» террорчилик ташкилотларининг Суриянинг Идлиб ва Хомс вилоятларидаги марраларини ўққа тутишда қатнашган эди.

7 апрелга ўтар кечаси АҚШ ҳарбий-денгиз кучларининг Ўртаер денгизидаги икки кемаси — USS Porter ва USS Ross эсминецларидан Суриянинг Хомс вилоятидаги аэродром томон 59 та «Томагавк» қаноти ракеталари учирилди. Сурия расмийларининг қайд этишича, Шайрат аэродроми тўлиқ яроқсиз аҳволга келган.