Туркия президенти Ражаб Тоййиб Эрдўғон Суриянинг Идлиб вилоятида юз берган кимёвий ҳужум оқибатида 100 дан ортиқ одам ҳалок бўлганини маълум қилди. Бу ҳақда Reuters хабар бермоқда.
Туркия президентининг сўзларига кўра, мазкур ҳужум ортида Сурия президенти Башар Асад турибди; Эрдўғон суриялик ҳамкасбини «қотил» деб ҳам атади.
Айни вақтда, Эрдўғон қурбонлар сони ҳақидаги маълумотни қаердан олганига аниқлик киритмаган.
Расмий Анқара кўпдан бери Башар Асадни танқид қилиб келади ва Сурия етакчисини бир неча бор ҳокимиятни топширишга чақирган.
Шунга қарамай, Россия ва Туркия Сурия масаласида ҳамкорлик қилишда давом этмоқда. Ваҳоланки, аввалроқ расмий Москва кимёвий ҳужум масаласида Сурия ҳукуматига қўйилаётган барча айбловларни рад этиб, Сурия армиясини қўллаб-қувватлашда давом этишини билдирган эди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)