Австрия авиакомпанияси дунёдаги энг қисқа халқаро рейсни бекор қилди. Парвоз давомийлиги 8 дақиқа эди

Австриянинг Peopleʼs Viennaline авиакомпанияси талаб камлиги сабабли дунёдаги энг қисқа мунтазам халқаро рейсни бекор қилди, деб хабар беради Meduza.

Рейс Швейцариянинг Альтенрайн ва Германиянинг Фридрихсхафен шаҳарлари орасида 2016 йил ноябрида жорий қилинган. Парвоз 8 дақиқа давом этган, бу вақт ичида самолёт Боден кўли устидан, тахминан, 20 километр масофани учиб ўтган.

Авиакомпания Альтенрайн ҳамда Фридрихсхафен ўртасидаги рейсни ҳафтасига икки марта амалга оширган. Чипта нархи 40 еврони ташкил қилган.

Авиакомпаниянинг маълум қилишича, рейсга кутилганидан анча кам талаб бўлган. Ноябрдан мартга қадар рейсдан 2,3 минг йўловчигина фойдаланган.

Альтенрайн ва Фридрихсхафен ўртасидаги энг сўнгги парвоз 14 апрелга режалаштирилган.

«Дарё»нинг Telegram’даги расмий канали — @toshqindaryo’га аъзо бўлинг!