Туркия ташқи ишлар вазири Мавлут Чавушўғлининг маълум қилишича, Туркия қўшинлари маҳаллий кучлар вазиятни ўз назоратига тўлиқ олмагунига қадар Сурияни тарк этмайди. Бу ҳақда «Коммерсантъ» хабар бермоқда.
«Маҳаллий кучлар вазиятни тўлиқ ўз назоратига олганидан кейингина биз қўшинларимизни қисман камайтириш ёки бутунлай олиш чиқиш эҳтимолини кўриб чиқамиз», — деди Чавушўғли.
Вазир АҚШ давлат котиби Рекс Тиллерсон билан бўлиб ўтган суҳбатда Анқара АҚШ мудофаа кучларининг суриялик курдлар билан ҳамкорлигидан хавфсирашини, бу «давлатлараро муносабатга таъсир кўрсатиши мумкин»лигини маълум қилган.
Эслатиб ўтамиз, Туркия ИШИД жангариларига қарши операцияни ўтган йилнинг 24 августида бошланган эди. Операциянинг мақсади 5 минг квадрат километр ҳудудни террорчилардан тозалаб, у ерда қочоқлар учун хавфсиз зонани ташкил этишдан иборат эди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)