Хитой Тайвань билан тинч йўл орқали бирлашиш тарафдори, бироқ ҳеч қачон унинг мустақиллигига йўл қўймайди. Бу ҳақда Хитой давлат кенгаши Тайвань ишлари бўйича девонхонаси расмий вакили Ма Сяогуань маълум қилди, дея хабар беради «ТАСС».
«Биз тинч йўл билан бирлашишга жон-жаҳд ва самимийлик билан интилишга содиқлигимизни сақлаб қоламиз, бироқ мустақил Тайвань тарафдорларига уни Хитойдан ажратишга ҳеч қачон йўл қўймаймиз. Хитой ва Тайвань ягона мамлакатга мансуб», — дея таъкидлади Ма Сяогуань.
Расмий вакил яна бир бор мамлакатнинг 1992 йил консенсусига содиқлигини билдирди. Мазкур консенсусга икки томоннинг «ягона Хитой» тамойилини тан олиши асос бўлиб хизмат қилади.
Изоҳ (0)