Туркия махсус хизматлари ходимлари ИШИД террорчилик ташкилоти раҳбарларидан бирини қўлга олди, дея хабар беради Anadolu агентлиги.
Суриялик Сафван Гаҳват европаликларни ИШИДга оғдириш билан шуғулланган. У Туркиянинг Адана вилояти Саричам туманида қўлга олинган.
Полициячилар Гаҳват ва унинг рафиқаси Тарсусдан Истанбул томон кетаётган автобусни тўхтатган. Тахминларга кўра, Гаҳват Истанбулдан Европага ўтишни режалаштирган.
Террорчи полиция томонидан сўроқ қилинди, шундан сўнг суд уни ҳибсга олиш ҳақида қарор чиқарган. Гаҳватнинг хотини Туркиядан депортация қилинди.
Ҳибсга олиш вақтида унинг ёнидан ичида гумонланувчининг қурол ва пул кўтариб тушган суратлари билан тўлдирилган рақамли ахборот ташувчи қурилма топилган.
Суратлар турли вақт ва жойларда олинган. Уларнинг бирида Гаҳват бошқа бир одамнинг бўйнига пичоқ тираб турганини кўриш мумкин.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)