Lunar and Planetary Science’нинг 48-конференциясида Ойдаги ерости туннеллари ҳақида маълум қилинди. Топилма «инсоният келажаги» деб номланди, деб ёзади «Корреспондент.net».
Улар Мариус тепаликлари платосидаги диаметри бир неча ўн метр бўлган туйнук яқинида жойлашган. Туйнукнинг ўзи 2009 йилда топилган.
Олимлар Кагуя япон қурилмаси ёрдамида ёриқ яқинида йирик, кўп километрга чўзилган бўшлиқлар мавжудлигини аниқлади.
Ерда ҳам юқоридаги каби ерости ҳосилалари мавжуд. Улар магма совиб, аста-секинлик билан торайиши оқибатида юзага келади. Астрономларнинг Ойдаги топилмалари ҳам лава ҳосилалари эканлигига 100 фоиз ишониб бўлмайди.
Бироқ нима бўлганда ҳам, разведка миссиялари Ер йўлдошида ҳақиқатдан ҳам чуқур ерости туннеллари мавжуд эканлигини тасдиқласа келажакда улар ойдаги биринчи колониал манзилгоҳлар ва илмий-тадқиқот марказлари учун асос бўла олади.
Изоҳ (0)