Франк Вальтер Штайнмайер Германиянинг янги президенти сифатида қасамёд қилди ва биринчи нутқида Туркия президенти Ражаб Тоййиб Эрдўғонга мурожат қилди. Бу ҳақда «Газета.ru» хабар бермоқда.
Штайнмайернинг таъкидлашича, Эрдўғон Европа давлатлари раҳбарларини нацистларга қиёслаб, дипломатик алоқалар ҳамда Туркия сўнгги йилларда эришган барча ютуқларни таваккалчилик остига қўймоқда.
«Президент Эрдўғон, сиз бошқа инсонлар ёрдамида қурган барча нарсаларингиз билан таваккал қилмоқдасиз», — деди Германия президенти.
Шунингдек, Штайнмайер Туркия етакчисини қонун ва матбуот эркинлигини ҳурмат қилган ҳолда, ҳибсдаги немис журналисти Дениз Юджелни озод қилишга чақирди.
«Нацисларга нисбатан жирканч таққосни бас қилинг!», — дея таъкидалади Штайнмайер.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)