Футбол бўйича Ўзбекистон миллий терма жамоаси бош мураббийи Самвел Бабаян Сурияга қарши учрашув олдидан ташкил этилган матбуот анжуманида иштирок этди, деб ёзди ЎФФ матбуот хизмати.
Эртага саралашдаги олтинчи учрашувни ўтказамиз. Сурия ҳурматга лойиқ жамоа эканига нафақат биз, балки бутун Осиё амин бўлди.Самвел Бабаян матбуот анжуманига Сервер Жепаров билан бирга ташриф буюрганди.Тошкентда бўлиб ўтган ўйинда ташаббусга эга бўлишимизга қарамай, рақиб ҳимояда мустаҳкам ўйин намойиш қилганди. Жамоа тартибли ўйин кўрсатади, таркибида индивидуал маҳоратга эга бўлган футболчилар бор.
Бизга оптимал таркибда ўйнаш насиб этамаяпти. Денисов майдонга туша олмайди. Ҳужум чизиғидаги Игорь Сергеев ва Элдор Шомуродовнинг эртанги баҳсда иштирок этиши сўроқ остида. Шунга қарамай, беллашувга жиддий тайёргарлик кўрдик ва майдонда нимага қодир эканимизни кўрсатишга ҳаракат қиламиз.
Самвел Бабаян, Ўзбекистон термаси бош мураббийи
Терма учун эртага муҳим ўйилардан бири. Сурияга қарши энг яхши ўйинимизни кўрсатамиз. Учрашув натижаси бизнинг фойдамизга ҳал бўлишига умид қиламан. 3 очкони қўлга киритган ҳолда яхши кайфият билан ортга қайтамиз.Маълумот учун, Сурия — Ўзбекистон ўйини 23 март куни Тошкент вақти билан 17:00 да старт олади.Сервер Жепаров, Ўзбекистон термаси аъзоси
Изоҳ (0)