Футбол бўйича Ўзбекистон Олий лигасининг 3-туридан жой олган яна 4 та учрашув бўлиб ўтди. Мазкур тур «Динамо»нинг «Пахтакор» устидан эришган ғалабаси билан бошланган бўлса, кейинроқ «Навбаҳор» 18 минг мухлис қаршисида кечган водий дербисида «Нефтчи»ни мағлуб эта олмаганди.
3-турда Қашқадарё дербиси ҳам ўтказилди. Ғузорда «Шўртан» меҳмони бўлган «Машъал» рақибини 2 та гол фарқи билан мағлуб этди. Муборак клуби дарвозасига қўйилган пенальти ҳам, «Машъал» футболчисининг майдондан четлатилгани ҳам «Шўртан»ни мағлубиятдан қутқариб қололмади.
Тошкентнинг «Обод» клуби эса мавсумдаги илк ғалабасини Бухорода қўлга киритди. «Обод» ўтган мавсум «Бухоро» билан пойтахтда дуранг ўйнаб, сафарда имкониятни бой берганди.
Мазкур учрашувда икки футболчи бир вақтнинг ўзида майдондан четлатилди. Маълумот учун, Тачмурод Агамуродов фаолият олиб борган 2016 йилги мавсумни «Бухоро» кучли тўртликда якунлаганди. Янги мавсумда эса 3 та учрашувда икки бор енгилиб улгурди.
Жиззахнинг «Сўғдиёна» клуби мавсумдаги илк ғалабасини ўз иродаси эвазига қўлга киритди. Даврон Файзиев жамоаси ҳисобда икки бор ортда қолаётган бўлса-да, якунда ғолиб чиқа олди. «Сўғдиёна» аввалги икки турни мамлакатнинг икки энг кучли клубига қарши Тошкентда ўтказишга мажбур бўлган ва ҳар иккисида ҳам енгилди.
Игорь Шквиринни истеъфога чиқариб, янги мураббий Виктор Кумиковнинг олдига Чемпионлар лигаси йўлланмасини вазифа қилиб қўйган «Олмалиқ» ортда қолган уч ўйинда фақатгина 1 очко тўплай олди.
Ўзбекистон Олий лигаси 3-тур 18 март, шанба
«Қўқон—1912» — «Қизилқум» 1:0
Гол: Филип Раевац 51, - 1:0.«Шўртан» — «Машъал» 0:2
Голлар: Сардор Раҳмонов, 5-пен (0:1). Зафар Тўраев, 34 (0:2).Ноаниқ пенальти: Игорь Таран, 65 (Ш).Четлатиш: Зоҳир Қўзибоев, 66 (М).«Бухоро» — «Обод» 0:1
Гол: Ғайрат Умиров, 63 (0:1).Четлатишлар: Роббим Ҳасанов, 90+3 (Б). Наврўз Хаипов, 90+3 (О).«Сўғдиёна» — «Олмалиқ» 3:2
Голлар: Ислом Иномов, 9 (0:1). Санжар Рашидов, 45+1-пен (1:1). Владислав Касминин, 66 (1:2). Суҳроб Қобилов, 79 (2:2). Шоҳруҳ Достонов, 87 (3:2).Четлатиш: Шоҳруҳ Достонов, 90 (С). Фарҳод Мусабеков, 90 (О).
Изоҳ (0)