Тошкент давлат педагогика университети Шанхайдаги университет билан ҳамкорликни йўлга қўйди

Шанхай шаҳрида Шарқий Хитой педагогика университети ва Низомий номидаги Тошкент давлат педагогика университети ўртасида англашув меморандуми имзоланди. Бу ҳақда «Жаҳон» агентлиги хабар бермоқда.

Мазкур воқеа икки олийгоҳнинг талабалар ва профессор-ўқитувчилар таркиби алмашинуви, тадқиқот материалларини чоп этиш, ўзаро илмий конференциялар ва симпозиумларда иштирок этиш борасидаги ҳамкорлигини бошлаб берди.

Шарқий Хитой педагогика университети қошидаги Халқаро муносабатлар ва минтақавий тараққиёт институти раҳбари ўринбосари Бей Венлининг фикрича, мазкур меморандум Ўзбекистон ҳам, Хитой ҳам таълим соҳасида ўзаро алоқаларни чуқурлаштиришга интилаётганлигини тасдиқлайди.

«Дарё»нинг Telegram’даги расмий канали — @toshqindaryo’га аъзо бўлинг!