Барак Обамани ўлдириш билан таҳдид қилган америкалик фуқаро ярим йиллик қамоқ жазосига ҳукм қилинди

АҚШнинг Массачусетс штати суди Мэнсфилд шаҳрида яшовчи Эндрю О’Кифни олти ойлик қамоқ жазосига ҳукм қилди. Фуқаро ФҚБ сайтига АҚШ президенти Барак Обамани ўлдириш ҳақидаги таҳдидни жойлаштирган. Ҳукм эълон қилингунига қадар 31 ёшли О’Киф қамоқда ярим йил ушлаб турилди, шунинг учун у суд залида озод қилинган. Бу ҳақда «Корреспондент.net» маълум қилди.

О’Кифнинг қамоққа тушишига сабаб бўлган ҳодиса 2015 йил май ойида содир бўлган. О’Киф ФҚБнинг аноним хабар қабул қилиш тармоғи орқали тайёрланаётган жиноят ҳақида хабар берган.

Икки кундан сўнг О’Киф яшаган уйга ФҚБ ходимлари келган. О’Киф уй эшигини очмаган. Бир соатлик музокарадан сўнг О’Киф агентларга ўзини топширган. Тинтув давомида унинг уйидан юздан ортиқ совуқ қурол топилган.

Ўтган йилнинг декабрь ойида О’Киф ўз айбини тан олган ва ҳукмни кута бошлаган.