«Роскосмос» 14 март куни космонавтлар отрядига номзодларни танлаб олишни бошлади, деб ёзади Meduza.
Космик корпорация хабарида айтилишича, танлов ғолиблари янги «Федерация» кемасининг илк учувчиларига айланади ва россияликлар орасида биринчи бўлиб Ойга йўл олади. Кема ҳозирча ишлаб чиқиш босқичида бўлиб, миссия 2030 йилларга режалаштирилмоқда.
Космонавтлар отрядидаги ўринга Россиянинг 35 ёшдан ошмаган олий маълумотли фуқаролари даъвогарлик қилиши мумкин. Улар инглиз тилини билиши ва «компьютер техникаси билан бирга ишлаш билимига эга бўлиши» керак.
Номзодлар таълим ва профессионал малакалар, психологик хусусиятлар, саломатлик ва жисмоний тайёргарлик даражаси бўйича танловдан ўтиши керак.
Изоҳ (0)