Қўлда қилинган майда уй жиҳозлари сизнинг нозик дидингизни намоён қилиш билан бирга уйни жуда файзли қилиб кўрсатади. Агар сиз ҳеч қачон сувенир ясаб кўрмаган бўлсангиз, сизни ишонтириб айтамизки – бу унчалик қийин бўлмаган жуда ёқимли машғулот.
Шамлар – бу кези келганда ҳар қандай оилавий байрамларга аъло кайфият бағишловчи ажойиб сувенир ҳисобланади.
Шамларни тайёрлашда сизга қуйидагилар керак бўлади:
-мум ёки парафин (оддий хўжалик шами ҳам бўлади);
-пахта ип ёки мулине;
-сувли ҳаммом учун кастрюл;
-мумни эритиш учун идиш;
-шамлар учун формалар (тунука, шиша ёки пластик);
-пиликларни маҳкамлаш учун ёғоч чўплар (1 та шам формаси учун = 1 дона чўп).
Тайёрлаш:
Ҳар бир форма марказига пахта ипларни жойлаштиринг. Ипнинг юқоридаги учини ёғоч чўпга маҳкамланг.
Қайноқ сув солинган кастрюл ичига мумли идишни қўйинг. Мумни паст оловда ва тез-тез аралаштирган ҳолда эритинг.
Форма тагига камроқ эритилган мум қуйинг ва пиликнинг пастки учини тўғрилаб олинг. Мумнинг қотиши ва пилик маҳкамланишини кутиб туринг.
Формаларни қолган мум билан тўлдиринг. Бир суткадан сўнг, шамлар тўлиқ совигандан ва қотгандан кейин пиликларнинг ортиқча учларини қирқиб ташланг. Тайёр бўлган шамларни ишлатишдан олдин камида 1-2 кун салқин жойда сақланг.
Изоҳ (0)