Британия парламентининг қуйи палатаси 13 март, душанба куни Brexit ҳақидаги қонунни якуний ҳолда қабул қилди, деб ёзади «Корреспондент.net».
Депутатлар юқори палата томонидан қонун лойиҳасига киритиш учун таклиф қилинган иккита тузатишни рад этди. Улар Евроиттифоқ мамлакатларининг Буюк Британияда истиқомат қилувчи фуқаролари ҳуқуқларининг бир томонлама кафолатланиши ҳамда парламентга Лондоннинг Евроиттифоқ билан музокаралари натижаларини тасдиқлашда овоз бериш ҳуқуқини тақдим этиш тўғрисида эди.
Энди юқори палата Brexit ҳақидаги қонун лойиҳасини яна бир марта кўриб чиқиши керак. Юқори палата қуйи палата қарорини маъқулласа, қонун имзолаш учун қироличага йўналтирилади.
Brexit тўғрисидаги қонун қабул қилингач, бош вазир Тереза Мэй Евроиттифоқ билан музокараларни бошлаш ваколатини қўлга киритади, музокаралар эса икки йил ичида якунланиши керак.
Изоҳ (0)