Бунёдкор кўчасида Муқимий кўчаси узра ўтувчи йўл ўтказгич қурилаётгани муносабати билан ёпилган Муқимий—Бунёдкор чорраҳасининг очилиши Наврўз байрами арафаси кунларига қолдирилди. Бу ҳақда «Тошшаҳартрансхизмат» компанияси маълум қилди.
Компания ахборотида чорраҳанинг айнан қайси санада очилиши аниқ айтилмаган. Чорраҳанинг очилиши «маълум ишларнинг давом этаётганлиги ҳамда хавфсизликни таъминлаш мақсадида» қолдирилган.
«Тирбандликни келтириб чиқармаслик мақсадида, қурилиш вақтида бошқа кўчалардан фойдаланишингизни сўраймиз. Юзага келтирилган ноқулайликлар учун узр сўраймиз», — дейилади компания ахборотида.
Мавзуга доир: Тошкентда қурилиш: Бунёдкор—Муқимий чорраҳасида қад ростлаётган кўприк. «Дарё» фоторепортажи
Муқимий—Бунёдкор чорраҳаси 11 февралда ёпилган ва дастлаб 23 февралгача ёпиқ бўлиши айтилган эди. Кейинроқ чорраҳанинг очилиши аввалига 1 мартга, сўнг 10 мартга қолдирилди.
Чорраҳа узра қурилаётган олти полосали, узунлиги 900 метр бўлган йўл ўтказгич Наврўз байрами (21 март)да фойдаланишга топширилиши кутилмоқда.
Мавзуга доир: Шавкат Мирзиёев «Новза» метро бекати олдида қад ростлаётган кўприк қурилиши билан танишди
Изоҳ (0)