Жанубий Корея Конституциявий суди мамлакат президенти Пак Кин Хенинг импичменти бўйича якуний қарорни 10 март, жума куни эълон қилади. Бу ҳақда Associated Press агентлиги хабар бермоқда.
Агар суд президентга нисбатан импичмент қўллаш ташаббусини рад этса, Пак Кин Хе яна давлат раҳбари лавозимини эгаллаши мумкин бўлади.
Агар суд импичментни тасдиқласа, Жанубий Кореяда кейинги 60 кун ичида президент сайлови ўтказилиши лозим бўлади.
Жанубий Корея парламенти 2016 йилнинг декабрида президент Пак Кин Хега нисбатан импичмент қўллаш учун овоз берган эди.
Президент коррупция ишига алоқадор деб гумон қилинмоқда, шу сабабли ҳам у импичментга учради. Пак Кин Хенинг ўзи мазкур айбловларни «катта ёлғон» деб атамоқда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)