Ўзбекистон Ички ишлар вазирлиги матбуот хизмати ахборотига кўра, Фарғона вилояти Риштон тумани Чек Жалаер қишлоғидаги ҳовлиларнинг биридан икки бош қорамол ўғирлаб кетилган. Қайд этишларича, ўғрилар ҳовлининг очиқ қолган эшиги орқали қорамолларни олиб қочган.
Мазкур ҳолат юзасидан жиноят иши қўзғатилган. Воқеа жойига чиққан ички ишлар ходимлари томонидан жабрланувчи ҳамда воқеага гувоҳ бўлган кишилар билан суриштирув ишлари олиб борилиб, гумонланувчи шахсларнинг алоҳида белгилари аниқланган.
Натижада ушбу жиноятни Бувайда тумани Бекобод маҳалласида яшовчи 1993 йилда туғилган шахс содир этганлиги аниқланган ва у қўлга олинган.
«Ҳозирда тергов ҳаракатлари олиб борилмоқда», — дейилади вазирлик ахборотида. Айни вақтда, мазкур ҳодисага вазирлик матбуот хизмати томонидан қуйидагича муносабат ҳам билдирилган: «Агарда уй эгаси ҳовлисининг эшигини очиқ қолдирмаганда, ушбу жиноят содир этилмаган бўларди».
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)