Қорақалпоғистон Республикаси божхона бошқармаси «Даут ата» чегара-божхона пости ходимлари шовотлик К.Амонов томонидан учувчисиз учиш қурилмаси ноқонуний равишда олиб кирилишининг олдини олди. Бу ҳақда бошқарма ахборот хизмати хабар бермоқда.
Бухоролик Ш.Халилов ҳам мазкур пост орқали кириб келар экан, йўловчи божхона декларацияси ҳамда божхона ходимларининг оғзаки суриштирувлари пайтида маълум қилинмаган 2 та учувчисиз учиш қурилмаси, 29 дона Laser Led Pen лазерли нур тарқатгич ручкаларни олиб киришга уринган пайтда тўхтатиб қолинди.
Шунингдек, «Бейнеу — Нукус» йўловчи поезди амалдаги тартибларга мувофиқ божхона кўригидан ўтказилганда, йўловчилардан бири Р.Атаханов учувчисиз бошқариладиган учиш қурилмасини яширинча олиб кирмоқчи бўлганлиги фош қилинди.
Маълумот учун, Қорақалпоғистон Республикаси божхона бошқармаси ходимлари томонидан ҳуқуқни муҳофаза қилувчи бошқа идоралар вакиллари билан ҳамкорликда 2016 йилда салкам 4,5 миллион сўмлик 9 та учувчисиз учиш қурилмаси Республикага олиб кирилишининг олди олинди.
Изоҳ (0)