Владимир Путиннинг маълум қилишича, Россия Қирғизистонни газлаштириш учун 100 миллиард рубль (жорий курс бўйича тахминан 1,7 миллиард доллар) миқдорида сармоя киритади. Бу ҳақда «Газета.ru» хабар бермоқда.
Россия президентининг сўзларига кўра, «Газпром» компанияси Қирғизистоннинг 2030 йилгача мўлжалланган газ таъминоти ва газлаштириш бўйича бош режасини амалга ошириш юзасидан кенг миқёсли иш олиб бормоқда.
«Республиканинг газ-транспорт тақсимот тармоғига киритиладиган инвестицияларнинг умумий ҳажми 100 миллиард рублни ташкил этади», — деди Путин Бишкекда Қирғизистон президенти Алмазбек Атамбаев билан музокаралардан сўнг.
Путиннинг аниқлик киритишича, Қирғизистоннинг газлаштирилганлик даражаси ўсади.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)