Samsung компанияси Mobile World Congress 2017 кўргазмасида Galaxy Tab 3 Android планшети, Galaxy Book Windows планшети ва янгиланган Gear VR виртуал реаллик шлемини тақдим этди. Бу ҳақда «Hi-Tech Mail.ru» хабар берди.
Galaxy Tab 3
Samsung’нинг янги Android планшети S Pen «ақлли» стилуси билан бирга тақдим этилади. Стилус учининг ўлчами 0,7 мм бўлиб, унинг сезгирлиги яхшиланган. Планшет 10 битли HDR форматидаги видеоларни намойиш қила олади. Мультимедиа файлларидан қулай фойдаланиш учун AKG by HARMAN компанияси билан ҳамкорликда яратилган тўртта динамик ўрнатилган. Galaxy Tab 3 планшети 12 соат давомида видео намойиш этиши мумкин.
Galaxy Book
Samsung 10,6 ва 12 дюйм экранли иккита янги Galaxy Book Windows планшетини тақдим этди. Клавиатурали ғилоф туфайли планшетлардан ноутбук сифатида ҳам фойдаланиш мумкин.
Gear VR-шлеми
Янги VR-шлеми Oculus компанияси томонидан ишлаб чиқилган бошқарув пульти билан бирга тақдим этилади. Қурилма тачпад ва ҳаракатни аниқловчи турли сенсорлар ҳисобига виртуал реалликдаги иш ва ўйинлар имкониятини кенгайтиради. Бошқарув пультига «бош саҳифа», «орқага» ва овоз баландлиги тугмалари жойлаштирилган. Пульт иккита ААА-батарея ёрдамида ишлайди.
Янги Samsung Gear VR-шлеми Galaxy S7, S7 edge, Note5, S6 edge+, S6 ва S6 edge смартфонлари билан ишлай олади.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)