Февралда қутуришга қарши кураш ойлиги давомида Ўзбекистонда 67,4 минг ит қутуришга қарши эмланди. Бу ҳақда Фавқулодда фазиятлар вазирлиги матбуот хизмати вакили маълум қилди, дея хабар беради «Газета.uz» .
Мамлакат бўйича жами бўлиб 1,4 миллиондан зиёд профилактик эмлашдан ўтган уй ити ва мушук рўйхатга олинган. 2011−2016 йилларда назоратсиз жониворлар тишлашидан жабрланганлар сони 49,47 мингдан 59,67 минг кишига ортди. Шу сабабли қутуришга қарши воситалар учун ажратилаётган маблағ ҳам 1,1 миллиард сўмдан 7 миллиард сўмгача оширилди.
Жониворлар тишлашидан 8059 ҳолат қайд этилган Тошкент вилояти аҳолиси энг кўп азият чеккан. Кейинги ўринларда Сурхондарё (6594), Бухоро (5688) вилоятлари ва Тошкент тилга олинди. Жабрланганлар сони Навоий вилоятида (2708) энг камни ташкил этади.
87,2 фоиз ёки 51,95 минг ҳолатда ит, 8 фоизда мушуклар тишлаши қайд этилган. Бир қисм ҳолатлар бошқа уй ҳайвонлари, кемирувчилар ва ёввойи ҳайвонлар ҳиссасига тўғри келади.
Ўтказилган чора-тадбирлар давомида уйларда итларни сақлаш қоидаларини бузган 145 фуқарога нисбатан маъмурий жавобгарлик қўлланилиб, улар 7,12 миллион сўм жаримага тортилди.
Изоҳ (0)