Барча даврларнинг 8 та энг оммабоп мобил телефонлари
Уяли телефонлар тарихидаги энг кўп сотилган қурилмалар рейтинги билан танишинг. Уларнинг номлари билан бирга, ушбу моделлардан бутун дунёда жами нечта сотилгани ҳақидаги маълумот ҳам келтирилган.
Фото: «Popmech.ru»
Samsung E1100 (2009) — 150 миллионта сотилган
Бир марта олган қуввати 13 кунга етган оддий, қулай ва енгил телефон.
Nokia 5230 (2009) — 150 миллионта
Nokia инқирози даври бошида, ҳали марка ўз кучини ва мухлисларнинг севгисини сақлаб турган вақтда чиқарилган.
Nokia 6600 (2003) — 150 миллионта
Nokia’нинг «олтин даври»даги смартфон. Бошида у 600 евро турган ва ўша вақтдаги ўлчовлар бўйича улкан 2,16 дюймли экран, GPRS, Bluetooth, 104 Мгц процессор билан жиҳозланган.
Nokia 1200 (2007) — 150 миллионта
Биринчи iPhone чиққан йили Nokia фонарли телефонларни яратди ва 150 миллионта нусхани сотди.
Nokia 3210 (1999) — 160 миллионта
Янги минг йиллик бошида машҳур бўлиб кетган замонавий телефон. Ички антенна, Т9 тезкор ҳарф териш ва «Илон» туридаги ўйинлар тўпламига эга илк мобил телефонлардан бири.
iPhone 6 ва iPhone 6 Plus (2014) — 220 миллионта
iPhone 6 ва айниқса, iPhone 6 Plus экран ҳажми борасида олдинга ташланган катта қадам бўлди.
Nokia 1110 (2005) — 250 миллионта
Nokia қўнғироқ қилиш ва SMS-хабар ёзиш мумкин бўлган арзон ва оддий телефон бўлиш билан бирга, ўша вақтдаги энг оддий интерфейсга ҳам эга эди.
Nokia 1100 (2003) — 250 миллионтадан ортиқ
Бу энг машҳур ёки энг замонавий телефон бўлмаса-да, у 250 миллион кишига мобил алоқадан фойдаланиш қувончини бағишлади ва тарихдаги энг кўп сотилган телефонга айланди.
Изоҳ (0)