Ўтган ҳафта Малайзияда ўлдирилган Ким Чон Нам ҳокимиятга қизиқмаган ва паранойяга чалинган бўлган. Бу ҳақда унинг ёшликдаги дўсти Энтони Сахакян The Guardian газетаси учун берган интервьюсида маълум қилди, деб ёзади «ТАСС».
Биз амалдаги режим, унинг укаси ва КХДРда юз бераётган воқеаларни муҳокама қилганмиз. Бир нарсани аниқ айтишим мумкин — у ҳеч қачон ҳокимиятга қизиқмаган. Унда қўрқув бор эди, бу кенг қамровли қўрқув эмасди, бироқ у параноик эди. У сиёсий муҳим шахс эди ва ташвишланарди.Ким Чон Нам ва Энтони Сахакян ўсмир ёшида Швейцария халқаро мактаби талабалари эканлигида танишган. Улар охирги марта Ким Чон Нам бир неча ой аввал Женевага келганда кўришган.Энтони Сахакян
Малайзия полицияси 14 февраль куни Ким Чон Намнинг ўлимини тасдиқлади. У Куала-Лумпур аэропортида ўзини ёмон ҳис қилган ва шифохонага етмасдан ҳаётдан кўз юмган. У ҳуқуқ-тартибот ходимларига кучли бош айланишидан шикоят қилган ва номаълум шахс юзига аллақандай суюқлик сепиб юборганлигини маълум қилган. «Дарё»нинг Telegram’даги расмий канали — @toshqindaryo’га аъзо бўлинг!