Британиянинг Ротерем шаҳрида яшовчи аёл ўз-ўзига турмушга чиқади, деб ёзади The Daily Mirror.
39 йил ичида Линн Голлогли ўзига умр йўлдоши топа олмади, шу туфайли қидирувни тўхтатишга қарор қилди. Бизнес таҳлилчи бўлиб ишлайдиган британиялик аёл ишқий муносабатларга киришиш хоҳиш-истагини йўқотди. Аёл ўз-ўзига турмушга чиқиш маросимини апрель ойига режалаштирди. Тадбир анъанавий тўй сифатида бўлиб ўтади, унга меҳмонлар таклиф қилинади, келин эса оқ либос кияди. Голлогли асал ойини Римда ўтказади.
«Ёшлигимда бир пайтлар унаштирилган эдим, аммо у ўйламасдан қилинганди ва ҳеч нарсага олиб бормади», — деди у. Аёлнинг сўзларига кўра, ўз-ўзига турмушга чиқиш ғояси унда Американинг «Дўстлар» (Friends) комедияли сериалини кўргач, пайдо бўлган, унинг битта сериясида турмушга чиқишни жудаям истаган, аммо қаллиғи бўлмаган уч қиз келин кўйлакларни кийиб кўради.
Изоҳ (0)