Идиш ювиш жараёнида қандай хатоларга энг кўп йўл қўямиз? Агар микроблардан халос бўлиш ва сув ҳамда ювиш воситаларини тежашни истасангиз қуйидаги мақола айнан сиз учундир.
Жуда кўп кўпик
Агар идиш юваётганингизда раковинада кўпикли айсберг ҳосил бўлса, бу ювиш воситасидан нотўғри фойдаланишингизнинг яққол белгисидир. Идиш ювиш воситаларининг рекламасида бежизга бир томчи ҳақида сўзланмайди, ҳақиқатда ҳам уларнинг бир томчиси етарли бўлиши лозим.
Улардан керагидан ортиқ фойдаланганингизда идиш юзасида кимёвий восита қолдиқлари қолиб кетади ва уларнинг таом билан бирга ошқозонга тушиш хавфи ортади.
Воситанинг таркиби ҳам муҳим аҳамиятга эга. Таркибида оқартирувчи, триклозан ва бошқа кучли воситалар бўлган суюқ ва кукун воситалардан фойдаланмасликка ҳаракат қилинг. Улар кимёвий воситаларга чидамли микробларнинг кўпайишига олиб келади.
Губка билан ювиш
Кўриниши беозор бўлган бу рангли поролон парчаси аслида секин ҳаракатга келтириладиган микроблар бомбасидир. Унинг бир сантиметр кубида бир неча минглаб ичак таёқчалари бактерияси ва сальмонелл бўлиб, губканинг айнан ғовакли юзаси уни микроблар учун идеал уйга айлантиради.
Шунинг учун поролонни ташлаб юбориб, табиий матолардан ишланган салфеткалардан фойдаланинг. Уларда ҳам бактериялар етарлича тўпланса-да, тўғри ювилганда бу вариант гигиенага кўпроқ мос келади.
Ифлос раковина
Ифлос раковинада унитазга қараганда 100 минг марта кўпроқ микроб мавжуд. Шу сабабдан ҳам уни мунтазам сода ёки тузли уксус билан ювишни тавсия этамиз.
Раковинани овқат қолдиқлари билан тўлдириш
Тарелка ва товаларни раковинага жойлашдан аввал ундаги барча овқат қолдиқларини тозалашга ҳаракат қилинг. Овқат қолдиқларининг қувурга тиқилиб қолиши жуда ёқимсиз ҳолат эканлигини ёддан чиқарманг.
Изоҳ (0)