Американинг Калифорния штати жанубидаги кучли ёғингарчилик циклони оқибатида камида 4 киши ҳалок бўлди. Бу ҳақда ABC News телеканали маълум қилди, деб ёзади «РИА Новости».
Ёмғирлар ва соатига 110 километр тезликдаги шамол билан кечган пўртана юзлаб дарахтларни йиқитди ва Лос-Анжелес, Вентура округлари, Санта-Барбара, Сан-Бернардино шаҳарлари электр узатиш симларини узиб ташлади.
Ноқулай об-ҳаво шароитида дарахтлардан бири машина устига қулади, оқибатда унинг ичида бўлган одам ҳалок бўлди. Яна уч киши ёмон об-ҳаво туфайли содир бўлган турли йўл-транспорт ҳодисаларида вафот этди.
Синоптиклар циклон 19 февраль, якшанба куни Калифорниянинг марказий қисми соҳилларига ёпирилишини маълум қилмоқда. «Дарё»нинг Telegram’даги расмий канали — @toshqindaryo’га аъзо бўлинг!