Дунё яқинда терроризмнинг янги турига дуч келади, у оммавий қирғин қуроли сифатида сунъий тарзда яратилган вируслардан фойдаланади. Бу ҳақда Microsoft асосчиси Билл Гейтс маълум қилди, деб ёзади «Корреспондент.net».
Мюнхенда хавфсизлик бўйича конференцияда нутқ сўзлаётиб, Гейтс бутун дунё бўйлаб 30 миллионга яқин киши навбатдаги эпидемия қурбонларига айланиши мумкинлигини айтди, у, унинг фикрича, чечак ёки грипп вирусининг янги тури орқали келиб чиқади. Бу яқин 10—15 йил ичидаёқ юз бериши мумкин.
У 1918 йилгача камида 50 миллион кишини ҳаётдан олиб кетган испан гриппи эпидемиясини тилга олди.
«Замонавий технологиялар ушбу ҳалокат такрорланишининг олдини олиши мумкин, аммо бунинг учун ушбу муаммога ядровий тийилиш ва терроризмга қарши кураш масалаларидан кам бўлмаган эътибор қаратилиши керак», — деди Гейтс.
Нашр таъкидлашича, Билл Гейтс ва рафиқаси Мелинданинг жамғармаси турли касалликларга қарши вакциналар дунёнинг энг қашшоқ мамлакатларига етказиб берилиши учун миллиардлаб доллар инвестиция киритади.
Изоҳ (0)