Малайзия пойтахти Куала-Лумпурда КХДР етакчиси Ким Чен Иннинг акаси Ким Чон Намнинг ўлимига алоқадорликда гумон қилинган Шимолий Корея фуқароси ҳибсга олинди. Бу ҳақда Meduza хабар бермоқда.
Малайзия полициясининг маълум қилишича, қўлга олинган шахс 47 ёшли Ли Чен Чхоль бўлиб, унинг суиқасдга қандай алоқаси борлиги ҳозирча аниқланмади.
Малайзиянинг New Straits Times нашри полиция томонидан Ким Чон Нам ўлими бўйича Шимолий Кореянинг яна уч фуқароси қидирилаётганини хабар қилди.
Эслатиб ўтамиз, Ким Чон Нам 13 февраль куни Куала-Лумпур аэропортида заҳарланиш натижасида вафот этди. Тахминларга кўра, суиқасдга Ким Чон Намнинг Макаодаги сирли ҳисоб рақамларига кириш имконияти сабаб бўлган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)