Fox News телеканали сўровномаси натижаларига кўра, америкаликлар ОАВлардан кўра АҚШ президенти Дональд Трампга кўпроқ ишонади. Бу ҳақда «РИА Новости» хабар бермоқда.
Телеканалнинг маълум қилишича, сўровда қатнашганларнинг 45 фоизи президентга кўпроқ ишонади, иштирокчиларнинг 42 фоизи оммавий ахборот воситаларини қўллаб-қувватлади. Сўровда қатнашганларнинг яна ўн фоизи ҳеч кимга ишонмаслигини маълум қилган.
Сўровнома, шунингдек, америкаликларнинг 68 фоизи ОАВлари Трампга нисбатан Барак Обамага қараганда кўпроқ танқидий муносабат билан ёндашмоқда деб ҳисоблашини кўрсатди. Шу билан бирга, иштирокчиларнинг 55 фоизи президент шахсининг матбуотда «агрессив» ёритиш тарафдори эканлигини маълум қилган.
Тадқиқот, шунингдек, республикачиларнинг 81 фоизи президентни қўллаб-қувватлаши, демократларнинг 79 фоизи эса аксинча ОАВлари тарафдори эканлигини кўрсатди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)