Флорентино Перес
Мадриднинг «Реал» клуби президенти Флорентино Перес истеъфо бериш хаёли билан яшамоқда. Бу ҳақда «Чемпионат» Испаниянинг Mundo Deportivo нашрига асосланиб маълум қилди.
Айни вақтда Перес ўз ишини муносиб давом эттириши мумкин бўлган номзод излаш билан банд. Бунда ворис «Реал» қоидаларига риоя қилиши, унинг амбицияларини сақлаш учун ишлаши ва «Сантьяго Бернабеу» реконструкциясини давом эттириши керак.
Флорентино Перес 2000 йилги сайловларда ғолиб чиқиб, «Қироллик клуби» президентлигига келганди. Ва айнан унинг ташрифи «Барселона»дан Луиш Фигунинг олиб келинишига сабаб бўлган. Бора-бора «Реал» ҳамда «галактикос» сўзлари ёнма-ён қўлланила бошланди. Жамоа либосини кийган дунё юлдузларининг соясида «Реал» тарбияланувчилари бош жамоада ўз ўрнини топа олмади. Шу тариқа Перес 2006 йил истеъфога чиқди.Орадан 3,5 йил ўтиб, Флорентино яна президентликка қайтди. Унинг бошқарувида «Реал» Испания чемпионлигини тўрт марта нишонлади. Уч бор Чемпионлар лигасида зафар қучди ва клублар ўртасидаги мундиал чемпионлигини икки марта қўлга киритди.
Жоан Лапорта
«Барселона» клубининг собиқ президенти Жоан Лапорта эса Париждаги даҳшатдан кейин «тилга кирди». Унинг фикрича амалдаги раҳбарият истеъфога чиқиши лозим.
Бундай мағлубиятдан кейин одамнинг хаёлига биринчи навбатда ариза ёзиш келиши керак. Мени хайрон қолдираётгани эса Бартомеу бундай қилмаяпти. Бу эса менинг у ҳақидаги фикрларимни яна бир карра тасдиқламоқда.Маълумот учун, Жоан Лапорта «Барселона» президентлигини 2003—2010 йиллар давомида бажарган. Унинг бошқарувида Каталония клуби тўрт бор Ла лига ва икки бор Чемпионлар лигасида муваффақият қозонган. Ўз вақтида Тошкентнинг «Бунёдкор» клуби айнан Лапорта даврида «Барселона» билан ҳамкорлик шартномасини имзолаганди.Ҳозирги раҳбарият «Барселона»ни жарга тортмоқда. Биз уларга қолдирган нарсалардангина фойдаланишмоқда. Жамоани Бартомеу ва қолган раҳбарлар қўлида қолдириш хавфли.
Изоҳ (0)