Берлин – дунёдаги энг чиройли пойтахтлардан бири. Бу ерда классик меъморчилик ва шарқ маданиятининг ажойиб бирикмасини кўришингиз мумкин.
Агар сиз Берлинга 1—2 кунга келган бўлсангиз, шаҳарни тезкорлик томоша қилишга уриниб ўтирманг. Шаҳар ҳақиқатан ҳам катта, диққатга сазовор жойлари эса жуда кўп бўлгани учун ҳаммасини кўришга улгуролмайсиз.
Агар вақтингиз кам бўлса ва бошқа жойни режалаштирмаган бўлсангиз Рейхстагга боришни тавсия қилган бўлар эдик. Экскурсия жуда қизиқарли, айниқса шаҳарнинг ойнали гумбаз орқали кўриниши эса ажойибдир.
Кейин албатта Берлиннинг 5 та энг машҳур музейлари: Боде музейи, Пергам музейи, Эски миллий музейи, Эски музей ва Янги музей жойлашган Музейлар оролига боринг.
Музейларни кўрганингиздан сўнг худди шу оролда жойлашган ҳашаматли Берлин кафедрал бош черковига ўтишингиз мумкин.
Берлин боғлари
Бу шаҳар ўзининг кўплаб истироҳат боғлари ва кўм-кўк дарахтзорлари билан мақтовга лойиқдир. Кўпчилик Берлиннинг марказида жойлашган, 210 гектар майдонни эгаллаган ва ҳақиқий ўрмонни эслатувчи Тиргартен-парке тўғрисида эшитган бўлса ажаб эмас.
Кўп сонли истироҳат боғлари ва кўм-кўк дарахтзорлар, кўллар ва Шпрее дарёси туфайли Берлинда айланиш жуда осон ва ёқимли.
Маҳаллий таомлар
Берлинда итальянча, вьетнамча ва туркча таомлар миллий ҳисобланади. Ва карривурст – машҳур немис колбасаси.
Изоҳ (0)