Навоий шаҳрида «Алишер Навоий ижодий меросининг умумбашарият маънавий-маърифий тараққиётидаги ўрни» мавзуида халқаро илмий конференция ўтказилди. Бу ҳақда ЎзА хабар бермоқда.
Ўзбекистон Ёзувчилар уюшмаси, Олий ва ўрта махсус, Халқ таълими вазирликлари, Алишер Навоий номидаги Тошкент давлат ўзбек тили ва адабиёти университети, Республика Маънавият тарғибот маркази вилоят бўлими, вилоят ҳокимлиги ҳамкорлигида ташкил этилган анжуманда Венгрия, Озарбайжон, Қозоғистон давлатларидан таниқли навоийшунос олимлар, ёш тадқиқотчилар ҳамда талабалар иштирок этди.
Ўзбек, туркман, қозоқ, қирғиз, озарбайжон бир оиладек яшаб келаётган иноқ халқлардир. Бу Навоийнинг эзгулик, муҳаббат, дўстлик, адолат, тинчлик каби гўзал фазилатлар, маънавий-ахлоқий қадриятлар тўғрисидаги қимматли ғоялари билан узвий боғлиқдир. Шоир номи билан аталувчи Навоий вилоятида бундай йирик анжуманнинг ўтказилиши буюк сўз санъаткорига бўлган чексиз ҳурмат белгисидир. Буюк мутафаккир ижоди биз, авлодлар учун улкан маънавий бойлик бўлиб, уни биргаликда ўрганмоқ, теран англамоқ ҳар биримиз учун шарафдирАнжуманда иштирокчилар шўъбаларга бўлиниб, Навоий ижодини ўрганишда эришилган ютуқлар ва ечимини кутаётган масалалар хусусида мунозаралар ўтказди.Алмаз Увли, Озарбайжон Фанлар академияси Низомий номидаги адабиёт институтининг Озарбайжон—Туркманистон—Ўзбекистон адабий алоқалар шўъбаси мудири
Навоий асарларини дунё тилларига таржима қилиш, замонавий ўқувчига етказиш борасидаги илмий изланишлар самараси таҳлил этилди.
Конференцияда Алишер Навоийнинг ҳаёти ва ижодига оид кўргазма ташкил этилиб, «Фарҳод» маданият саройида таниқли актёр ва санъаткорлар томонидан саҳна кўриниши ижро этилди, шоир ғазалларидан намуналар ўқилди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)