Америка технологик компаниялари еттита давлат фуқаролари ва қочоқларни мамлакатга киришини тақиқловчи фармонни бекор қилишни илтимос қилиб, АҚШ президенти Дональд Трампга очиқ хат ёзди. Бу ҳақда TJournal хабар бермоқда.
Компанияларнинг ҳуқуқий асосланган позициялари Сан-Франциско апелляция судига топширилди. Apple, Google, Facebook раҳбарлари ва бошқа йирик саноат вакиллари мактуб остига ўз имзоларини қўйди.
Трампнинг фармонига қарши аризага 97 та технологик компания, жумладан, Apple, Google, Microsoft, Facebook, Twitter, eBay, Netflix, Uber, Airbnb, Foursquare, Github, Linkedln, Quora, Snap ва Spotify компаниялари қўшилди.
Аризада баён қилинишича, Трампнинг мигрантлар ҳақидаги фармони Америка компанияларига жиддий зарар етказади, шунингдек, инновациялар ва иқтисодий ўсишга салбий таъсир кўрсатади. Компанияларнинг таъкидлашича, 500 та энг йирик дунёвий компаниялардан 200 дан ортиғига мигрантлар ёки уларнинг фарзандлари асос солган.
Хатни АҚШ президенти маъмурияти ҳузуридаги бизнес бўйича кенгаш таркибига кирувчи Amazon ва Tesla компаниялари имзоламади.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)