Шварценеггер АҚШ президенти лавозимида Трампнинг ўрнини эгаллашни таклиф қилди

Актёр ва «Машҳурлар шогирд бўлганида» (The Celebrity Apprentice) реалити-шоуси бошловчиси Арнольд Шварценеггер АҚШ президенти Дональд Трампга «ўзаро ўрин алмашишни» таклиф қилди. Бу ҳақда у ўз Twitter’ига жойланган видеода айтиб ўтди.

«Сиз шоу билан машғул бўлишингиз керак, ахир сиз рейтинглар бўйича катта экспертга ўхшайсиз. Мен эса сизнинг ишингиз ташвишини қиламан. Шунда одамлар ниҳоят хотиржам ухлаши мумкин бўлади» — деди актёр роликда.

2 февраль, пайшанба куни Трамп Миллий ибодат нонуштаси муносабати билан сўзлаган нутқида Шварценеггер кўрсатув рейтингини тушириб юборгани учун уни «дуо қилиб қўйишга» чақирди. Трамп сайловолди кампанияси бошлангунига қадар шоуда бошловчилик қиларди, ҳозирда эса унинг ижрочи продюсери ҳисобланади.

https://twitter.com/Schwarzenegger/status/827169996866347008