Журналист Феруз Муҳаммад Ўзбекистонда хизмат кўрсатган артист Юлдуз Турдиева билан суҳбатлашди. Суҳбат давомида хонанда нима учун «Истиқлол» санъат саройида концерт бермаслиги сабабларини ҳам айтиб ўтди.
— Нима учун «Истиқлол»да концерт бермайсиз?— «Истиқлол» санъат саройида концерт бериш учун овоз имкониятим, рэпертуарим етарли, аммо ўзимни ҳали тайёр деб билмаяпман. Мухлислардан, ён атрофимдаги инсонлар ва санъаткорлардан қачон концерт берасиз, вақти ҳали ҳам келмадими, деган мазмунда кўплаб саволлар берилмоқда. Ҳозирча тайёр эмасман.
— Концерт бермаслигингиз сабаби моддий масала билан боғлиқ эмасми?— Яккахон концерт дастурини тақдим қилиш учун жуда катта маблағ сарфланади. Бунча катта маблағни топиш ҳам мумкин, аммо ички, «тайёрман» деган туйғуга, «концерт беришим керак», деган қатъий қарорга ҳали келмадим.
— Кун келиб концерт дастурингизни тақдим қилсангиз, дастурингиз жонли ижрода бўладими ёки фонограммада?— Худо хоҳласа, концертим 100 фоиз жонли ижрода бўлади.
— Жонли ижрода концерт бераётганлар орасида кимларнинг ижро маҳоратига юқори баҳо берасиз?— Озодбек Назарбеков, Гулсанам Мамазоитова, Жаҳонгир Отажонов, Фарҳод Саидовнинг ижро маҳорати, ўз кучига ишониши, мусиқа ва сўз танлашдаги синчковлигига тан бермасдан илож йўқ.
— 2017 йилда жонли ижрода концерт бераётган хонандаларнинг сафи яна иккитага камайди. Яъни, Озодбек Назарбеков ҳамда Гулсанам Мамазоитованинг 2017 йилда концерт бермайди. Икки хонанда билан ҳам дўстсиз, уларнинг бу қарорга келишига қандай муносабатдасиз?— Озодбек Назарбеков, Гулсанам Мамазоитова ҳам одам, улар ҳам дам олиши керак. Бундан ташқари, улар бошқа давлатлар ҳамда вилоятларимиз бўйлаб концерт дастурларини тақдим қилишади. Энг муҳими, ижоддан, интилишдан тўхташгани йўқ.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)