Ўзбекистон миллий терма жамоаси бош мураббийи Самвел Бабаян Амирлик йиғинидан кейин ЎФФ матбуот хизматига интервью берди ва футболчиларни тўплашдан мақсадни тушунтирди.
Сурияга қарши ўйин олдидан бўлиб ўтган йиғиндан кўнглим тўлди. Ўтказилган ҳар икки ўйиндан кейин ўзимиз учун керакли хулосалар чиқариб олдик.Бош мураббийнинг сўзларига кўра, терма жамоа футболчилари майдонда бор кучи билан ҳаракат қилган ва терма моделига асосан тўп сурган.Данияга қарши тажрибавий таркибни майдонга туширдик. Грузияга қарши ўйинда эса асосий футболчилар ҳаракат қилди. Булар ФИФА кунларидан ташқарида бўлгани учун легионер футболчиларни таклиф қила олмадик.
Терма асосини «Локомотив», «Пахтакор», «Бунёдкор» ва «Бухоро» футболчилари ташкил қилди. «Насаф» чемпионлар лигасининг ўтиш босқичига тайёргарлик кўраётгани учун, унинг аъзолари Амирлик йиғинига таклиф этилмади.
Самвел Бабаян, Ўзбекистон МТЖ бош мураббийи
Терманинг асосий таркибига кирадиган футболчилар ўйинидан қониқиш ҳосил қилдим. Шунга қарамай, Виталий Денисов, Анзур Исмоилов, Егор Кримец каби футболчиларнинг йўқлиги билинди. Чунки 2 та ўйинда 4 та гол ўтказиб юбордик. Уларнинг ярми стандарт вазиятлардан урилди.Энди хатолар устида ишлаб, таҳлил қилишимиз ҳамда кейинги учрашувларга қадар уларни бартараф қилишимиз лозим.
Самвел Бабаян, Ўзбекистон МТЖ бош мураббийи
Қайд этиш керак, Ўзбекистон миллий терма жамоаси Амирлик йиғинида Дания U23 термасига 1:2 ҳисобида имкониятни бой берди, Грузия билан эса 2:2 ҳисобида дуранг ўйнади. Самвел Бабаяннинг айтишига кўра, асосий эътибор Грузияга қарши ўйинга қаратилганди.
Ҳимояда йўл қўйилган хатоларни айтмаса, устунлик биз томонда бўлди. Ҳужум чизиғида муаммолар юзага келгани учун яратилган имкониятлардан тўлиқ фойдаланилмади. Бунинг устида ишлашимиз керак.Ўзбекистон миллий терма жамоаси учун жавобгар шахс келгусидаги режалар борасида ҳам тўхталган. 9—12 февраль куни бош жамоа Туркияда йиғин олиб боради.Тўғри, устунликни урилган голлар билан намойиш қилишимиз керак эди. Бироқ кетма-кет иккита гол ўтказиб юбориб, қийин аҳволда қолдик. Шунга қарамай футболчилар ўзига бўлган ишончни йўқотмади ва тўп назоратини қўлга олиб, ҳисобни тенглаштирди.
Самвел Бабаян, Ўзбекистон МТЖ бош мураббийи
«Локомотив» ва «Пахтакор»нинг навбатдаги йиғини Туркияда ўтади. Терма асосини шу клуб футболчилари ташкил этишини инобатга олиб, биз ҳам йиғинни ўша ерда олиб боришга қарор қилдик.Маълумот учун, Ўзбекистон миллий терма жамоасининг олдиндаги энг яқин расмий ўйини 23 март куни Сурияга қарши бўлиб ўтади.«Насаф» 31 январь куни ўтиш босқичида иштирок этиб, плей-офф босқичига йўл олса, 7 февраль куни сафарда ўйин ўтказади. «Бунёдкор» ҳам 7 февраль куни Қатарнинг «Ал-Жаиш» клуби билан курашади. Шундан кейин бу икки клубнинг бир нечтадан вакили терма йиғинига қўшилади.
Туркияда иккита назорат ўйини ўтказишни режалаштирганмиз. 12 февраль куни Россия Премьер-лигаси клубларидан бирига қарши ўйин бўлади. Иккинчи ўйин борасида ташкилотчилар музокаралар олиб бормоқда.
Самвел Бабаян, Ўзбекистон МТЖ бош мураббийи
Изоҳ (0)