Ўзбекистонда 3 та янги телеканал ишга тушади
Тез орада Ўзбекистонда учта янги телеканал фаолиятини бошлайди. Бу ҳақда Ўзбекистон Электрон оммавий ахборот воситалари миллий ассоциацияси раиси Фирдавс Абдухолиқов маълум қилди, деб ёзади «Qalampir.uz».
Ўзбекистон Республикаси Президенти Шавкат Миромонович Мирзиёев «2017—2021 йилларда Ўзбекистон Республикасини ривожлантиришнинг бешта устувор йўналишлари бўйича ҳаракатлар стратегияси» лойиҳасининг жамоатчилик муҳокамасига бағишланган медиа-ҳафталикнинг очилиш маросимида сўзга чиққан Фирдавс Абдухолиқов «Зўр ТВ», «Футбол ТВ», «Караван ТВ» телеканаллари иш бошлаш арафасида турганини айтди.
Телеканаллар эфири юқори сифатли HD форматда бўлиши кўзда тутилган.Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
