Nokia 8 флагмани CES 2017 кўргазмасида яширинча бўлиб қайтди (видео)

Nokia 8 флагман смартфонини CES 2017 кўргазмасида кўриб қолишди, деб ёзади «Hi-tech.mail.ru». TotalTech инсайдерлари ҳозирча расман тақдим этилмаган Nokia смартфони акс этган видеони эълон қилди, уни MWC 2017 кўргазмасида намойиш этишлари кутилмоқда.

CES 2017’да Nokia 6’ни расман тақдим этишди. Смартфон муносиб бўлса-да, флагман эмас ва ҳозирча фақат Хитойда сотилади.

Nokia 8 ёки Nokia Supreme эса анча қизиқарлироқ бўлиши кутилмоқда. Flagman Snapdragon 821 ва 4 Гб тезкор хотирали ҳамда Snapdragon 835 ва 6 Гб тезкор хотирали бўлган икки хил вариантда чиқади.

Инсайдерлар айтишича, Nokia 8’нинг катта версияси 64/128 Гб ички хотира, шунингдек, microSD картаси учун слотга эга бўлади. Асосий камераси 24, селфи-камераси эса 12 мегапикселли бўлади.

Янги Nokia’лар 26 февраль куни расман тақдим этилади.

https://youtu.be/RbQSJMFwZvY

https://youtu.be/CPi26Ov0n7s