2017 йил 1 секундга кўпроқ давом этади
2016 йил кутилганидан бир секундга узунроқ бўлади. Одамлар яшаётган вақт ҳисоби (UTC) ёруғлик куни узунлигига (UTI) мос келиши учун уларни синхронлаштириш талаб этилади, деб хабар беради «Hi-Tech.Mail.ru».
Айтилишича, Ер сайёрасининг айланиши секинлашиб бораётгани туфайли мувофиқлаштириш секунди ёки кабиса секунди тушунчаси киритилди.
Ортиқча секунд кетаётган йилнинг охирги дақиқасига кўшилади, бунда ҳар бир соат камари учун бир соатдан фарқ бўлади.
Бу жараёнларни махсус ташкилот — Халқаро Ер айланиш хизмати (International Earth Rotation and Reference Systems Service, IERS) кузатиб боради. Францияда жойлашган ушбу ташкилот 1987 йили тузилган бўлиб, у Ернинг айланиш параметрлари ҳамда сайёра координаталарини баҳолаш билан шуғулланади. Айнан шу хизмат ортиқча дақиқа қўшиши қарорига келди.
Одатда олимлар мувофиқлаштириш секундининг қўшилишига қарши чиқади, негаки бу техниканинг қотиши ёки бузилишига олиб келади. Вақтни тўғрилашнинг осонроқ йўли 1 июль ёки 1 январь кунлари соат милларини бир секунд ортга суриш ҳисобланади. Аммо охирги пайтда секунд қўшиш одат бўлмоқда. Жумладан, 2015 йили июнь ойига кабиса секунди қўшилди.
