Юлдуз футболчиларнинг Хитойга ташрифи одатий тусга айланиб қолди.
Айни вақтда ҳам Супер Лига клублари Уэйн Руни учун ҳафтасига 700 минг евро тўлашга тайёр. Алексис Санчес, Жон Терри каби футболчилар ҳам Чин ўлкасига ташриф буюриш борасида бош қотира бошлаган.
Эндиликда Хитой ҳукумати англиялик машҳур рефери, 2016 йил якунларига кўра дунёнинг энг яхши ҳаками деб топилган Марк Клаттенбургга таклиф билан чиқди, деб ёзди Mirror нашри.
Бунда Клаттенбургга қанча ваъда қилингани айтилмаган. Унинг ташрифидан мақсад Хитой футболидаги коррупцияни камайтириш, келишилган ўйинларга чек қўйиш ва Хитойнинг катта футбол мамлакатига айлантиришда ҳамкорлик қилишдан иборат экани айтилган.
Аввалроқ Хитой ҳукумати Златан Ибраҳимовичнинг мамлакатга ташрифи учун йилига 120 миллион евро тўлашга розилиги ҳақида айтиб, жаҳон футболи жамоатчилигини ларзага келтирганди.
Маълумот учун, Марк Клаттенбург 2016 йил давомида 3 та йирик финалларни бошқарди: Англия Лига Кубоги, Европа Чемпионлар Лигаси ва Евро—2016.
Изоҳ (0)