Бош вазир қабулхонасига «Ипак йўли» банкига гаров учун нақд ҳолатда қўйилган пулини олишда муаммога дуч келаётган фуқародан мурожаат келиб тушди.
Фуқаро жорий йил 29 сентябрида банкнинг Чилонзор филиалига гаров пули тариқасида 3 миллион сўм қўйган. Орадан 2 ой ўтиб мазкур маблағини қайтариб олмоқчи бўлганида сумма тўлиқ пластик картага ўтказиб берилиши, уни нақдлаштириш учун 12 фоиз, яъни 360 минг сўм олиб қолиниши билдирилган. Шикоятчи пулини тўлиқ ва нақд ҳолатида олишда ёрдам сўраб, 30 ноябрда қабулхонага мурожаат этди.
Қабулхона томонидан ушбу масала кўтарилгач, 2 декабрь куни аризачи банкка таклиф этилди ва муаммо жойида ҳал этилди. Фуқаро мазкур банкка ҳеч қандай эътирози йўқлигини билдирди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)