Итини ҳимоя қилган эркак кенгуру калласига бир мушт туширди (видео)

YouTube’даги Alex William каналида итини ҳимоя қилган эркак кенгуру калласига мушт туширгани тасвирланган видео пайдо бўлди.

Видеолавҳада кенгуру итнинг бўйнидан ушлаб олиб, уни бўғаётганини кўриш мумкин. Итнинг эгаси ўз жонзотини қутқариш мақсадида кенгурунинг ёнига югуриб бориб, унинг бошига бир мушт тушурди.

Ит қочиб кетишга муваффақ бўлди, кенгуру ва эркак эса бир неча сония бир-бирига термилиб турди. Шундан кейин итнинг эгаси ортга қайтди, кенгуру ҳам чекинди.

3 декабрь куни юкланган ушбу видеолавҳани хабар ёзилаётган вақтда 1,2 миллиондан ортиқ фойдаланувчилар кўришга улгуриб бўлганди.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.