«Пахтакор» футбол клуби Колумбияда авиаҳалокатга учраган «Шапекоэнсе» жамоаси яқинларига ҳамдардлик билдирди

Тошкентнинг «Пахтакор» футбол клуби 29 ноябрга ўтар кечаси Колумбияда авиаҳалокатга учраган «Шапекоэнсе» жамоаси яқинларига ҳамдардлик билдирди. Бу ҳақда клуб матбуот хизматининг Twitter’даги саҳифасида маълум қилинди.

«‘Пахтакор’ клуби ‘Шапекоэнсе’ жамосининг ҳалокатга учрашидан чуқур афсусда. Ибодатларимиз жамоа аъзолари ва оилалари билан бирга», – дейилади хабарда.

Аввалроқ Колумбияда бортида 72 йўловчи ҳамда 9 нафар экипаж аъзоси бўлган самолёт ҳалокатга учрагани, унинг ичида футбол бўйича Бразилия А сериясида ҳаракат қилаётган «Шапекоэнсе» клубининг 27 футболчиси бўлгани хабар қилинганди.

• Россия футбол иттифоқи Колумбияда бразилиялик футболчилар иштирокидаги авиаҳалокат муносабати билан ҳамдардлик билдирди

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.