Бразилия футбол клублари Колумбияда 29 ноябрга ўтар кечаси авиҳалокатга учраган «Шапекоэнсе» жамоасининг мамлакат юқори дивизионда уч мавсум қолишини кафолатлаш таклифи билан Бразилия футбол федерациясига чиқди. Бу ҳақда, Reuters агентлигига таяниб, «ТАСС» маълум қилмоқда.

«Бу биз кўрсата оладиган минимал далда, аммо у ‘Шапекоэнсе’ клуби ва Бразилия футболи йўқотган бир қисмни қайта тиклаш учун самимий ниятдир», – дейилади хабарда.

Аввалроқ «Гремио» клуби президенти Ромилдо Болзану Бразилия клубларига бир ёки икки футболчисини «Шапекоэнсе»га ижарага беришни таклиф қилди. Агар бу иш амалга ошса, «Шапекоэнсе» 2017 йили Бразилия чемпионатига иштирок эта олади. Мазкур таклифни бир неча клуб қўллаб-қувватлади.

• «Атлетико Насьональ» жамоаси «Шапекоэнсе»ни Жанубий Америка Кубоги ғолиби деб эълон қилиш таклифини билдирди

Сўнгги маълумотларга кўра, «Шапекоэнсе» клубининг икки футболчиси – захира дарвозабони Жексон Фоллманн ва ҳимоячи Алан Рушель тирик қолган.  Қутқарувчилар томонидан тирик топилган жамоанинг асосий посбони Данило кейинроқ шифохонада жон берди.

• Колумбиядаги авиаҳалокатда тирик қолган «Шапекоэнсе» дарвозабонининг оёғи кесиб ташланди

Қайд этиш жоиз, «Шапекоэнсе»нинг 9 нафар аъзоси Колумбия сафаридан четда қолганди.

• Бразилия футбол федерацияси Колумбиядаги авиаҳалокат муносабати билан 7 кунлик мотам эълон қилди

Маълумот учун,  «Шапекоэнсе» 20 та жамоа иштирок этадиган Бразилия А сериясида 37-турдан кейин 9-ўринни эгаллаб турганди.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.