Эртага — 30 ноябрь куни футбол бўйича Ўзбекистон Кубогининг финал учрашуви бўлиб ўтади ва унда Тошкентнинг «Локомотив» клуби Қаршининг «Насаф» жамоаси билан беллашади.
Рўзиқул Бердиев — «Насаф»
«Кубокнинг амалдаги эгаси сифатида уни ҳимоя қилишни истаймиз. Биз ‘Локомотив’га қарши чемпионат ўйинларида муносиб ўйнадик ва ҳар қандай рақиб билан беллашишга тайёрлигимизни исботладик. Эртанги ўйинга атаб тузилган режамиз бор. Футболчиларни руҳан яхши тайёрладик».
«‘Насаф’ Артур Геворкянга ҳам, Драган Черанга ҳам боғланиб қолмаган. Биз жамоавий футбол кўрсатамиз ва ҳеч кимга боғланиб қолмаймиз».Андрей Микляев — «Локомотив»
«‘Насаф’ биз учун энг қийин рақиб. ‘Бунёдкор’ ва ‘Пахтакор’ билан ҳам ўйнадик. Аммо Қарши клуби кўпроқ ташвиш туғдирди. Чемпионат доирасидаги ўйинда улар икки дақиқа ичида иккита гол уришди. Бу эса кўп нарсадан далолат беради».
«Пенальтилар сериясига атайин тайёргарлик кўрмадик. Яхши ниятда келганмиз».
«Насаф» — «Локомотив» клублари ўртасидаги Самарқандда бўлиб ўтадиган Ўзбекистон Кубоги финали 13:00 дан бошлаб «Спорт» телеканалида намойиш этилади. Эртанги беллашувда «Насаф» кўк, «Локомотив» эса қизил рангли либосда ҳаракат қилади.
Изоҳ (0)